Phuyu (phuyu.no) jamuqiri

Markanakasatx walja p’iqinchirinakaw yaqha p’iqinchir masinakapamp yatiykipasiñatakix mä (Smartphone) jawsañ apnaqapxi, uka kipkarakiw aktiwistanakas yaqhanakasa; llikan yatiyäwinak thaqhaña, yatiyäw ch'iqiyaña, yatiyäwinak apayaña jan ukax katuqañatakisa. Jawsañas chhaqhayasna jan ukax lunthatayasna ukhax janiw walt’aykistaspati, uka jan walt’äwinakat jan jark'aqkstan ukax walja jan walt’äwinakaw utjaspa. Jawsañanakasatakix pantalla jark’antat jist’arir chimpuw nayr uchaña. Taqi ukanak lurañatakix jawsañan phawrika mayjt’ayäwip thaqhañamawa, manqhäxan qillqatäkis ukarjama:

Iwxäwinakarjamax amtasiñasawa, jawsañasan jark’at mayjt’ayañ pachaxa, 10 qillqan jan khitin amuykay jark’aqat chimpu apnaqañx amtasiñasapuniwa; sañäni: pacha mama uka arux niya 13n qillqaniwa. Uka kipkarakiw jach’a qillqanaks jisk’a qillqanaks jakhunaks qillqanak taypir uchasma, sañäni A qillqarux 4 jakhumpiw lantisma. Ukat chimpux akjamäniwa: L4 P4ch4 M4m4 Jichha, janiw inamayäkaniti, wakiskiriwa.

Jark’aqasiñxat yaqha iwxanaka:

1. Tantachäwinakasanx yaqhatuqiruw jawsañanakasx jaytapxañasa.
2. Aktiwismu unxtasiwiru jan ukax mä jikthaptäwir chikanchasta ukax nayr mayawjan jikisiñ amtañäni.
3. Jawsañan utjkistu uka yatiyäw yaqhawjar waraqasipuniñäni.
4. Jawsañasatx janiw wakiskir yatiyäw pichsuñasäkiti.

Kunats jawasañanakas chimpuñax wakiskirïpacha

Phuyu (phuyu.no) jamuqiri

¡Mä chimput tispusitiwump yatiyäwimpix askin apnaqañawa!

Jawsañam chhaqhaspa sakiñäni, jan ukax kawkharus armt’asisma. Mayni jan uñt’atax nayraqatx jumxat yatiyäwima, jamuqama, imayluma, imatanakama, juk’ampins qillqatanak apayktas qatuqtas ukpun thaqtaspaxa. Chimpump apnaqäta ukax janiw khitis jumxat yatiyäwir mantañ atkaniti; niyakixay wasitamp apnaqañatakix qalltayapxañapäniwa ukat jawsañan taqpach yatiyäwiw pichstani.

Jawsañ tispusitiwum chimpuñatakixa, phawrika mayjt’ayäw taypin thaqham:

●       Mayjt'ayäwi
●       Jark’aqäwi
●       Chimpuña

QILLQATA: Jichhürunakanx  phawrikanakatx jilpach tispusitiwunakaw chimpusiñampix jutxi, hardware ukatx software ukanakaw ukjam juti, yapt'a mimuryanakax yaqhäskiwa.