Markanakasatx walja p’iqinchirinakaw yaqha p’iqinchir masinakapamp yatiykipasiñatakix mä (Smartphone) jawsañ apnaqapxi, uka kipkarakiw aktiwistanakas yaqhanakasa; llikan yatiyäwinak thaqhaña, yatiyäw ch'iqiyaña, yatiyäwinak apayaña jan ukax katuqañatakisa. Jawsañas chhaqhayasna jan ukax lunthatayasna ukhax janiw walt’aykistaspati, uka jan walt’äwinakat jan jark'aqkstan ukax walja jan walt’äwinakaw utjaspa. Jawsañanakasatakix pantalla jark’antat jist’arir chimpuw nayr uchaña. Taqi ukanak lurañatakix jawsañan phawrika mayjt’ayäwip thaqhañamawa, manqhäxan qillqatäkis ukarjama:
Iwxäwinakarjamax amtasiñasawa, jawsañasan jark’at mayjt’ayañ pachaxa, 10 qillqan jan khitin amuykay jark’aqat chimpu apnaqañx amtasiñasapuniwa; sañäni: pacha mama uka arux niya 13n qillqaniwa. Uka kipkarakiw jach’a qillqanaks jisk’a qillqanaks jakhunaks qillqanak taypir uchasma, sañäni A qillqarux 4 jakhumpiw lantisma. Ukat chimpux akjamäniwa: L4 P4ch4 M4m4 Jichha, janiw inamayäkaniti, wakiskiriwa.
Jark’aqasiñxat yaqha iwxanaka:
¡Mä chimput tispusitiwump yatiyäwimpix askin apnaqañawa!
Jawsañam chhaqhaspa sakiñäni, jan ukax kawkharus armt’asisma. Mayni jan uñt’atax nayraqatx jumxat yatiyäwima, jamuqama, imayluma, imatanakama, juk’ampins qillqatanak apayktas qatuqtas ukpun thaqtaspaxa. Chimpump apnaqäta ukax janiw khitis jumxat yatiyäwir mantañ atkaniti; niyakixay wasitamp apnaqañatakix qalltayapxañapäniwa ukat jawsañan taqpach yatiyäwiw pichstani.
Jawsañ tispusitiwum chimpuñatakixa, phawrika mayjt’ayäw taypin thaqham:
● Mayjt'ayäwi
● Jark’aqäwi
● Chimpuña
QILLQATA: Jichhürunakanx phawrikanakatx jilpach tispusitiwunakaw chimpusiñampix jutxi, hardware ukatx software ukanakaw ukjam juti, yapt'a mimuryanakax yaqhäskiwa.
Janïr jawsañ chimpkasinxa, aka amtanakamp phuqhañamawa:
Qhanamp phuqhayam
80% watiriyanïñapawa
Chimpuñatak utjañapawa
Kriritunaka:
Fundación Huaira 2020. Shigra Digital ukax Milpa Digital ukat saraqir amtawa, CC BY-SA ukan lisinsyapamp uñt’ayata ukat.
CódigoSur 2019. MilpaDigital. Creative Commons lisinsyanaka (CC BY-SA 4.0).