Beirut markan qamasir wayna kullaka jilanakaxa wali ch’amampipuniw mä Jayat Jutirinakataki sat mayacht’äwi sarantayapxatayna, akasti yaqha markanakat jutirinakar ch’amañchañatanawa. Aka jan payllat jila kullakanakasti aka 2011 mara qalltakiw utt’asiwayapxatayna, ukatsti jank’akirakiw kuntix ch’amachapki ukas taqituqin uñt’asiwayxatayna ,markaukjamarak anqaxa yatiyirinak tuqi, kunalaykutix, aski yanapäwinakwa uñstayawayapxatayna. Yanapawinakapansti inak arunak jayat jutirinakar yatichañ utt’ayawayapxatayna. Arabic,Inklis, Fransis uka arunakwa sapa domingo yatichapxiritayna.
Lebanon markanxa jayat jutirinakaxa jan walinxampun sapa simananx jiwarasipki. Sapa patakatx anqat jutir irnaqirinakax kimsaqallq tunkaniw jan wal uñjat jikxatasipxatayna, irnaqañ utanakatxa janiw simananx samarapxirikataynati, janirakiw jaqirjamas uñjatapkataynati.
Aka waraqansti Janie kullakaw juk’amp arst’aski (janiraw aymaran utjkiti):
Jayat Jutirinakatak Arxatäwi (Migrant Workers Task Force, inklis aruna) marka irptirinakans yatxapxatapawa, ukjamaraki aka Zico uta aka Hamra tuqinwa tantachasipxiritayna, ukatsti aka Jayat Jutirinakan Utapa tuqina aka Nabaa markana. Taqinisa janiw payllatapkiti, jupanakax kampañanak lurapxiritayna qullqi apthapiñatakixa, ukanakampikiwa jichhakamax yanapasiniwayapxatayna.
Arunak yatichawixa taqinpacharupuniw mayachthapitayna. Aka video waraqatan parlaski uka jilasti yatiqirirakiwa, Rahel Zegeye sutini, jupasti jayat jutirirakiwa. Jupax siwa, pä maraw kuntix aka markan lurapki jayat jutirinakaruxa uk uñacht’ayañatak ch’amachasisikta.
Janiw mä maras mäkiptkiti aka Jayat Jutirinakatak Arxatäwi (Migrant Workers Task Force, inklis aruna) jupanakax walja jaqinakarupuniw amuyunakaampix puripxatayna. Ukjamaraki anqaxa markanakarus yatiyapxarakitayna.